تورتة الفواكه و الكريمه لاول مره

يالا نشمر سوا و ندخل علي بركه الله نعمل تورتايه الفواكه و الكريمه



التورته الاسفنجيه انا بجيب البودره من محلات بيع مستلزمات الحلويات بتيقي مظبوطه و بتطلع تحفه بصراحه و مش غاليه


ممكن تعملي مقادير الكيكه الاسفنجيه عادي و انا بعملها كالاتي

كوبايه بيض +كوبايه سكر بودره اضربهم عشر دقايق و احط عليهم كوبايه دقيق مضاف اليه بيكنج بودر الجديد اللي في المحسن حلو اوي و اقلب بمعلقه خشب و بتطلع حللللوه اوي

و دي صوره اللي انا عملتها النهارده


سيبتها تبرد طبعا كويس علشان متفرولش منك و انتي بتقطعيها و


حضرت مقادير الكريمه


نصف كيلو كريمه لباني (علبتين من اللي الصوره ) و بحط معاه نصف كيس كريم كراميل و معلقتين سكر


قسمتها 3 ديسكات او راقات و سقتها بمايه الاناناس او اي كومبوت اللي حنحشي بيه القلب


و تسقي كل راق بالفرشاه مش بالمعلقه و تحطي طبقه كريمه حلوه كده و شويه فواكه و هكذا لحد اخر طبقه





انا بحب اعملها في صينيه التشيز كيك اللي بتتفتح من الجنب بتحكم في الحشو كويس


و بعدين افتحها تطلع البوصه قبل ما تبقي عروسه كده

و علي فكره انا حطيت فوق الوش و الزينه كريم شانتيه عادي

ربع كيلو علي كوبايه و نص لبن و اضربيهم كويس (السايب احلي من اللي في الاكياس بكتير )





و دي بعد ما بقت عروسه و سوينا الكريمه كويس علشان نبتدي نزينها



و الزينه دي اختياري ممكن كلها تبقي فواكه و ممكن كلها كريمه براحتك



اتمني تكون عجبتكم

شكرا

عوآأإأآفي ع الطرح غلاتي
بـ انتظار جديدكـ بـ كل شوـوق
م ــــــــــــودتي